Calendr

Neuadd Ogwen – Bethesda

Mae’r band 9Bach ar fin dychwelyd i’r sin gerddoriaeth ar ôl egwyl bum mlynedd, gyda sengl newydd a chyfres o berfformiadau byw ym mis Mai / Mehefin 2025.

gyda chefnogaeth gan TENGGER + Bethesda Shipping Company (set electronig byw)

Bydd rhyddhau’r sengl newydd a’r sioeau byw yn gyfle i glywed y gerddoriaeth newydd y mae 9Bach ac Andy Gangadeen (Chase & Status, Lava La Rue) wedi bod yn gweithio arni gyda’u gilydd. Mae’r sain newydd wedi esblygu i gynnwys swn fwy electronic , ‘up-tempo’ a rhythmic tra’n aros yn driw i sain unigryw 9Bach.

Maen’t yn adnabyddus am eu sain atgofus, hypnotaidd a mesmeraidd, ac mae 9Bach wedi bod yn cydweithio â’r drymiwr hybrid arloesol Andy Gangadeen. Ar ôl gweithio’n ofalus ar rai prosiectau yn ystod y cyfnod clo, datblygodd y berthynas yn bartneriaeth ysgrifennu a recordio.

Bydd Andy yn ymuno â’r band yn fyw ar y drymiau yn ogystal â chymryd y rôl fel MD.

Bydd 9Bach yn rhyddhau LLaw – 101 Mix ar 1af o Fai ar Bandcamp

Mae Tafod Arian yn gynhyrchiad aml-haenog sy’n cyfuno ffilm ac archif sain gweledol a chlywedol mewn cywaith gerddorol unigryw.

Yn 2024, aeth y cerddor Lleuwen Steffan ar daith o amgylch capeli Cymru gyda ei chyflwyniad o “emynau coll y werin.” Yn annisgwyl yn ystod y daith, cafodd hi’r cyfle i glywed, cofnodi a recordio emynau anadnabyddus eraill gan aelodau o’r cyhoedd oedd yn awyddus i’w rhannu. Mae Tafod Arian yn cyfuno’r recordiadau hyn â recordiadau o archifau sain o Amgueddfa Werin Cymru Sain Ffagan i greu cerddoriaeth newydd.

Bydd y cerddor amryddawn aml-offerynnog Gethin Elis yn ymuno â Lleuwen, yn ogystal â’r gantores ddihafal o Lydaw, Nolwenn Korbell. Bydd ffilm newydd arbrofol gan Aled Victor yn cael ei chwarae yn ystod y perfformiad.

Trwy Tafod Arian, rydym yn talu teyrnged i leisiau’r gorffennol, gan drwytho eu melodïau a’u geiriau oesol gyda threfniannau cyfoes a dehongliadau o’r galon. Mae’r cynhyrchiad hwn yn rhoi bywyd newydd i recordiadau archif, gan sicrhau bod yr emynau llafar gwlad, a gafodd eu anwylo gan y genedl, yn hawlio eu lle ar lwyfannau Cymru heddiw.

Gadewch i Tafod Arian eich cludo drwy amser, gan bontio’r bwlch rhwng y gorffennol a’r presennol, a’ch trochi ym mhrydferthwch oesol cerddoriaeth gysygredig Cymru. Nid oes toriad yn y sioe.

Mae’r prosiect hwn yn gomisiwn gan Eisteddfod Genedlaethol Cymru gyda chefnogaeth y Cyngor Prydeinig ac Elusen Gwendoline a Margaret Davies.